Garoonka Diyaaradaka ee Magaalada Muqdisho ayaa waxaa soo gaaray diyaarad siday qalabka la dagaalanka cudurka COVID-19, ee ka dhashay Coronaviruska.
Diyaarad laga leeyahay dalka Itoobiya ayaa Garoonka Aadan Cadde ee magaalada Muqdisho ka soo dejisay kartoono ay ku jiraan qalabkan oo loogu yaboohay Dowladda Federaalka.
Qalabkan ayaa ah deeq ka timid milyaneerka u dhashay dalka Shiinaha ahna la aasaasaha Shirkadda Online-ka wax ku iibisa ee Alibaba, Jack Ma.
Jack Ma ayaa Axadii Qaaradda Afrika u soo diray malaayiin agab ah, oo isugu jirta afuufka sanka & wejiga lagu xirto iyo dharka ay adeegsadaan hawlwadeenada caafimaadka, ee loo tababaray ka hortagga faafitaanka caabuqan.
Ninkan ayaa ugu talagalay agabyadan in looga hortaggo faafitaanka Coronavirus, xilli Afrika laga soo wariyay in laga diiwaangeliyay dad badan oo xanuunkooda la xiriira cudurka Coronaviruska.
