Dab xoogan ayaa maanta ka kacay Xarun Kaalin Shidaal oo ku taalla meel ku dhaw Isgoyska Banaadir ee Magaalada Muqdisho,dabkan ayaa ahaa mid qasaare xoogan geytay.
Muuqaalka Dabka qabsaday kaalinta ayaa ahaa mid si dhaqsiyo ah cirka isu shareeray, iyadoo goobtaasi laga kala cararray, waxaana dadweyne isugu soo baxay goobta ay dadaal u galeen sidii loo damin lahaa kaalintaasi.
Wax yar kadib ayaa waxaa goobtaasi soo gaaray gaadiidka dab demiska ee maamulka gobolka Banaadir, kuwaasi oo ah kuwo weli ku howlan deminta dabkaasi.
Kaalinta shidaalka ee Dabka uu ka kacay ayaa waxa ay u dhawdahay dhismaha wasaaradda Arrimaha dibadda ee Soomaaliya. ilaa iyo hadda lama oga qasaaraha dhabta ah ee ka dhashay iyo wixii dhaliyey.
