Maxakamadda Darajada Kowaaad ee ciidamada Qalabka Sida ee Soomaaliya ayaa maanta xukun dil ah ku fulisay nin ka tirsanaa ururka Shabaab, kaasi oo qeyb ka ahaa qaraxyo iyo dhibaatooyin kale oo loo geystay shacab ku dhaqan magaalada Muqdisho.
Ninkan oo lagu magacaabo C/qaadir Abuukar Shaacir Maxamed oo 41 jir ahaa kuna dhashey magaalada Muqdisho ayaa waxaa uu ku lug lahaa sahminta iyo diyaarinta qaraxyada, waxaana kamid ah qaraxyadii uu diyaariyay kuwo ka dhacay hotel Wehliye, 13 bishii March 2017 ayna ku dhinteen ilaa 10 ruux, 17 kalena ay ku dhawacmeen.
Sidoo kale qarixii ka dhacay maqaayada ku taala aaga wasaradda dhalinyarada iyo Ciyaaraha 5tii April ee 2017, oo uu geeyey gaari saaruf ahaa oo qaraxa laga soo buuxiyay, kaasi oo sababay dhimashada 9 qof iyo dhaawaca 10 kale.
Maxakamadda Ciidanka Qalabka Sida ayaa sidoo kale ku eedeysay inuu soo sahmiyay qarixii ka dhacay Baar Itaaliya 8-June 2017 halkaais oo ay ku geeriyoodeen 7 qof ayna ku dhaawacmeen 11 kale.
Gaashanle Sare C/llaahi Buule xeerilaaliyaha guud ee ciidanka qalabka sida ayaa sheegay in cadeymo kala duwan oo lagu helay ninkan, ugu dambeyna maxkamadda Ciidamada qalabka sida ay ku fulisay xukunkii lagu soo eedeeyay.
