Saaka Aroortii hore ayaa waxaa dagaal xoogan uu ka qarxay deegaanka Tukaraq ee Gobolka Sool, kaasi soo u dhaxeeya ciidamo halkaasi isku horfadhiyay oo ka kala socda maamuladda Puntland iyo Soomaaliland.
Dagaalka ayaa la sheegayaa in uu ka qarxay saldhig ciidamada Soomaaliland ay ku leeyihin duleedka deegaanka Tukaraq, wararka ayaa waxa ay intaasi ku daraya in dagaalkani uu iskiis u istaagay iyadoo ciidamada Puntland iyo Soomaaliland ay goobohoodii ku kala noqdeen.
Khasaaro dhimasho iyo dhaawac ah ayaa labada dhinac soo kala gaaray sida ay sheegayaan dadka deegaanka wallow aan si rasmi ah loo ogeyn khasaaraha dhabata ee uu geystay dagaalkani.
Deegaanka Tukaraq ee Gobolka Sool oo Qiyaastii 86km u jirta Magaalada Garoowe ayaa 8-dii Bishan waxaa dagaal kula wareegay ciidamada Maamulka Soomaaliland waxaana intaas wixii ka dambeeyay socday Guluf colaadeed oo ay labada dhinac wadeen.
