Madaxweynaha dalka Soomaaliya mudane Maxamed C/laahi Farmaajo ayaa amar ku bixiyay in Saraakiisha dhalinyarada ah ee ka midka ah ciidamada Xoogga dalka Soomaaliyeed loo dhiibo xilal sare, maadaama dhalinyaradaasi ay yihiin kuwo wax soo bartay.
Taliyaha Ciidanka Xoogga dalka Soomaaliyeed, C/wali Jaamac Gorod oo la furay amarkaasi ayaa isla shalay wuxuu kulan la qaatay Saraakiisha dhalinyarada ah ee ka tirsan ciidamada Xoogga dalka Soomaaliyeed.
Taliyaha ayaa waxa uu sheegay Madaxweynaha Soomaaliya uu waydiistay in hoggaanada ciidanka iyo Talisyada qaybaha loo dhiibo Saraakiisha da’da yar ee tababarada casriga ah soo qaatay.
Taliyaha ciidanka Xoogga dalka Soomaaliyeed ayaa ugu danbeyntii sheegay in Saraakiisha da’da yar ee ku jira Taliska Ciidanka Xoogga dalka Soomaaliyeed loo dhiibi doono xilal sare ee hoggaanada ciidanka dalka.
