Dowladda Federaalka ayaa uga mahadcelisay Dowladda iyo Shacabka dalka Isutaga Imaaraadka Carabta (UAE) maanta oo Jimco ah u iclaamiyey maalinta gurmadka abaaraha dalka Soomaaliya oo dhammaan TV-yada dalkaasi Imaaraadka ay si toos ah (live) ugu ololeyn doonaan in lacago loo uruuriyo dadka Abaarta ay ku habsatay.
Wasiirka Warfaafinta ee dowladda Federaalka Soomaaliya Mudane, Cabdiraxmaan Cumar Cismaan (Eng. Yarisow) oo maanta kulan gaar ah la qaatay Safiirka Imaaraadka u fadhiya dalka Soomaaliya Mudane, Maxamed Al-Othman ayaa ugu horeyn uga mahadceliyey taageerada joogtada ah ee dalka Imaaraadku uu u fidiyo Dowladda iyo shacabka Soomaaliyeed, iyo weliba gaar ahaan qorshaha ololaha lacag ururinta ee maata oo Jimce ah ee 21ka April 2017 oo dhammaan telefishinada dalka Imaaraadka ay si toos ah (live) lacag ururin doonaan laga bilaabo 1-da duhurnimo ilaa iyo 7da fiidnimo.
Wasiir Eng. Yarisow ayaa yiri “Soomaaliya ma iloobi doonto cid kasta oo u soo gurmata waqtigan xasaasiga ah oo ay shacabka Soomaaliyeed la tacaalayaan abaaro ba’an oo laga cabsi qabo in macluul ay dalka ka dilaacdo.
