May 02, 2016 – Waxaa magaalada Muqdisho soo gaaray Ciidamo ka socda dalka Ingariiska oo hor dhac u ah ciidamo kale oo dalkaasi ka socda oo la doonayo inay yimaadaan dalka Soomaaliy.
Ciidamada soo gaaray Magaalada Muqdisho ayaa tiradooda waxaa lagu sheegay ilaa 10 Askari, waxaana hordhac ay u yihiin ciidamo gaaraya ilaa 80 oo soo gaari doona magaalada Muqdisho maalmaha soo socda.
Ula jeedada ay ciidamadani u soo gaarayaan dalka Soomaaliya ayaa lagu sheegay inay tahay in ciidamada Amisom ay ka caawin doonaan dhanka caafimaadka iyo qaabeynta dagaalka ka dhanka ah Ururka Al Shabaab.
Xoghayaha gaashaandhiga ee dalka Ingariiska Mr. Micheal fallon ayaa sheegay in ciidamada UK ka socda ee soo gaarey dalka Soomaaliya ay ciidamada Dowladda iyo kuwa Amisom ka caawin doonaan howgalka ay ka wadaan dalka Soomaaliya.
Xafiiska Sawirrotv.com Muqdisho
One Response to Ciidamo Ka Socda Dalka Ingariiska oo Soo Gaaray Magaalada Muqdisho