April 27, 2016 – Ururka Daacish qaybteeda Soomaaliya oo hal maalin ka hor sheegtay inay inay weerar qorshaysan ku qaadeen gawaari ay leeyihiin ciidamada Amisom oo marayay deegaanka Tareedishe (KM-13) ee gobolka Shabeelaha Hoose ayaa markii ugu horeysay soo bandhigay fariisin ay tababar ku qaadanayaan tiro dagaalyahano ah oo ku sugan meel kamid ah dalka soomaaliya.
Hadaba muuqaalkan ayaa dhaliyay su’aalo badan iyadoo Maamul waliba oo ka jira dalka Soomaaliya uu is waydiinayo meesha ay tahay fariisimaha ay ku tababaranayaan.
Muuqaalkan ayaa waxaa ka soo muuqday Cabdulqaadir Muumin oo ah Soomaali Sweden kasoo laabtay, balse sanadihii dambe u go’ay ka mid ahaanshaha Kooxda Alshabaab, laakiin bishii oktoober ee sanadkii hore (2015) gobolka Bari ee Puntland kaga dhawaaqay in isaga iyo kooxdiisii uu hogaamin jiray ee Galgala ee ay ka baxeen Alshabaab ayna heshiis la galeen Ururka Daacish.
Muuqaalka ayaa dhaliyey shaki ah in goobtaani ay noqon karto gudaha maamulka Puntland, waloow muuqaalka niman kale oo hadlayay ay adeegsanayeen lahjadda looga hadlo Koonfurta Soomaaliya.
Laakiin Shakiga ugu badani ayaa waxaa dhaliyey Cabdulqaadir Muumin oo lagu ogaa inuu ku suganyahay buuraha Galgala ee Puntland oo muuqaalkaan kasoo muuqday isagoo kooxdaan hogaaminaya.
Xafiiska Sawirrotv.com Muqdisho