April 24, 2016 – Wiil Soomaali ah oo ku nool dalka Ingariiska ayaa Madaxweynaha waqtigiisa uu sii dhamaanayo ee dalka Mareykanka Barack Obama weydiiyay su’aalo wanaagsan oo adag, kuwaasi oo ku saabsanaa dalka Soomaaliya gaar ahaan biyaha Soomaaliya oo maraakiibta badan oo shisheeye ay ku sugan yihiin.
Wiilkan ayaa madaxweyne Obama waydiiyay, bal waxa uu maxaweynaha ka ogyahay maraakiibta shisheeye ee dalka Soomaaliya ku shuba sunta haraadiga Nugliyeerka ee ay ku daadiyaan xeebaha dalka Soomaaliya iyadoo badda dalka Soomaaliya ay ku sugan yihiin maraakiib dagaal oo ka socda wadamo badan.
Su’aashii kale ee taasi daba sootay ee uu wiilkaasi weydiiyay ayaa ahayd, in isbuucii la soo dhaafay ay in kabadan 500 oo dhalinyaro Afrikaan ah oo u badnaa soomaali ay ku dhinteen badda u dhaxaysa dalalka Masar iyo Talyaaniga, iyo waxa uu madaxweyne Obama u qabankaro arimahaasi inta yar ee uu xilka hayo.
Xafiiska Sawirrotv.com Muqdisho
One Response to Wiil Soomaali ah oo Su’aalo Adag Waydiiyay Madaxweyne Barack Obama (VIDEO)